Անցնել բովանդակությանը
Անվճար առաքում՝ 10,000 դրամ և ավելի պատվերների դեպքում
Մարիամիկը մեծ զգեստապահարան ունի և տարբեր եղանակների համար նախատեսված հագուստ։
«Մարիամիկ» խաղը երեխային կսովորեցնի դեմքի և մարմնի մասերը, հագուստի տեսակները և դրանց սեզոնային կիրառությունը։ Խաղի միջոցով երեխան կսովորի համադրել հագուստը, կհասկանա մարմինը և հագուստը խնամելու, կոկիկ ու մաքուր տեսք ունենալու կարևորությունը։
Խաղը կզարգացնի երեխայի ինքնագիտակցությունը, տրամաբանությունը և պատճառահետևանքային կապեր գտնելու ունակությունը։ Մարիամիկի օրինակով երեխան հեշտությամբ կսովորի առօրյա սովորություններ և ճիշտ վարքագիծ։
Խաղի միջոցով երեխային կարող եք սովորեցնել «տո՛ւր», «դի՛ր», «հանի՛ր», «ցո՛ւյց տուր» հրահանգները, ինչպես նաև մարմնի և դեմքի մասերը, գույները և տարվա եղանակները։
Երեխային խնդրեք Մարիամիկին հագցնել տվյալ եղանակին համապատասխան հագուստով։ Կարող եք հարցնել՝ «Ի՞նչ հագուստ պետք է հագնի Մարիամիկը, երբ ցուրտ է» կամ «Ի՞նչ հագուստով կարող է գնալ այգի»։
Մարիամիկին դիտմամբ սխալ հագցրեք, օրինակ՝ ամառային վերնաշապիկ և ձմեռային գլխարկ, ապա երեխային խնդրեք գտնել և ուղղել սխալը։
Հագցրեք Մարիամիկին՝ բաց թողնելով հագուստի որևէ դետալ, և խնդրեք երեխային լրացնել այն։
Խնդրեք գտնել կարճաթև և երկարաթև շապիկները, բացատրել՝ ինչով են դրանք տարբերվում և ինչով են նման՝ ըստ ձևի, գույնի և կիրառության։
Կարծիքներ
Թողնել կարծիք